Day 5 – A Way in the Wilderness

Day 5 – A Way in the Wilderness: Who is Jesus? Devotions on the Gospel of John for Teens, Book 1
Written by Abby Van Solkema
Translated into Urdu by Sunil Samuel
Translated and used by permission of the Reformed Free Publishing Association
Copyright © 2023. All rights reserved.

No part of this text may be reproduced, stored in a retrieval system, distributed to other web locations for retrieval, published in other media, mirrored at other sites, or transmitted in any form or by any means—for example, electronic—without the prior written permission from the publishers.

Reformed Free Publishing Association
1894 Georgetown Center Drive
Jenison, MI 49428
https://www.rfpa.org

Contrary to what many believe today, neither the truth that Jesus is both really God and really man nor the way that he views the people on this earth are ideas that you can simply form your own opinion on. These truths are clearly taught in the pages of Scripture and are “profitable for doctrine, for reproof, for correction, for instruction in righteousness” (2 Tim. 3:16).

So who is Jesus? John’s inspired gospel account of our Savior’s ministry will help you answer this question biblically, and it will also help you understand just how important the answer to your question is. When you fall into sin or are tempted to sin or when you suffer hardship and loss, there is great comfort in knowing who Jesus is—the Lamb of God who takes away the sin of the world.

یسوع کون ہے؟

یوحنا کی انجیل میں سےنوجوانوں کے لئے روحانی پیغامات (کتاب اوّل)

مصنفہ: ایبی وین سولکیما

مترجم: سنیل سموئیل

پانچواں دِن: بیابان میں ایک راہ

اور یوحنا کی گواہی یہ ہے کہ جب یہودیوں نے یروشلیم سے کاہن اور لاوی یہ پوچھنے کو اُس کے پاس بھیجے کہ تو کون ہے؟ تو اُس نے اقرار کیا اور انکار نہ کیا بلکہ اقرار کیا کہ میں تو مسیح نہیں ہوں ۔ انہوں نے اُس سے پوچھا پھر کون ہے؟ کیا تو ایلیاہ ہے؟ اُس نے کہا میں نہیں ہوں۔ کیا تو وہ نبی ہے؟ اُس نے جواب دیا کہ نہیں۔ پس انہوں نے اُس سے کہا پھر تو ہے کون؟ تاکہ ہم اپنے بھیجنے والوں کو جواب دیں۔ تو اپنے حق میں کیا کہتا ہے؟ اُ س نے کہا میں جیسا یسعیاہ نبی نے کہا ہے بیابان میں ایک پکارنے والے کی آواز ہوں کہ تم خداوند کی راہ کو سیدھا کرو (یوحنا 19:1-23)۔

یوحنا بپتسمہ دینے والے کی خدمت سے پیشتر، تقریباً چار سو سالوں تک خدا خاموش رہا۔پرانے اور نئے عہد نامے کے درمیانی عرصے میں کوئی نیا نبی برپا نہیں ہوا۔ملاکی کے بعد سے خدا کی طرف سے کوئی کلام نازل نہیں ہوا۔

ممکن ہے کہ بہت سے لوگ یہ سوچتے تھے کہ خدا اُنہیں بھول گیا ہے۔رومی اسرائیل پر حکومت کرتے تھے اور داؤد کی نسل سے کوئی بھی تخت پر بیٹھنے والا موجود نہیں تھا۔اسرائیل کی کلیسیا کا روحانی منظر ایک بنجر بیابان جیسا تھا خشک اور نااُمیدی پر مشتمل۔

اِسی اُداس منظر میں یوحنا بپتسمہ دینے والے کی آمد ہوئی۔اُس نے لوگوں کو اُن کے گناہوں سے توبہ کرنے اور بپتسمہ لینے کی دعوت دی تاکہ وہ اپنے دِلوں کو نجات دہندہ کو قبول کرنے کے لیے تیار کریں۔اُسے اِسی روحانی بنجر بیابا ن میں یسوع کی آمد کی راہ تیار کرنے کے لئے بھیجا گیا تھا۔

چونکہ اتنے سالوں سے خدا نے کوئی نبی نہیں بھیجا تھا اِس لئے یوحنا بپتسمہ دینے والے کی انتہائی خالص خدمت اور برجستہ منادی نے یہودی رہنماؤں کی توجہ حاصل کی۔انہوں نے کاہنوں اور لاویوں کا ایک گروہ اُس کے پاس بھیجا تاکہ وہ اُسے پوچھیں کہ تو کون ہے؟ یوحنا نے اپنے جواب میں واضح کیا کہ وہ موعودہ مسیح نہیں ہے جس کے وہ منتظر ہیں۔

پھر وہ ملاکی نبی کی نبوت (ملاکی 5:4) کو یاد کر کے پوچھنے لگے کہ کہیں تو ایلیا ہ نبی تو نہیں۔ یوحنا نے جواب دیا، میں نہیں ہوں۔پھر وہ استثنا 18:18 کے وعدے کو یاد کرتے ہوئے پوچھنے لگے کہ کیا تو وہ نبی (جس کا ذکر موسیٰ نے کیا) ہے۔یوحنا نے پھر جواب دیا کہ نہیں۔

اُن کے سوال کا جواب دینے کے لیے، یوحنا نے ایک اور پرانے عہد نامے کے نبی یسعیاہ کی طرف اشارہ کیا۔اُس نے یسعیاہ3:40 کا حوالہ دیتے ہوئے اُن کو بتایا (آیت 23) کہ وہ بس خدا کا بھیجا ہوا پیغامبر ہے تاکہ جس مسیح موعود کا طویل عرصے سے انتظار کیا جا رہا ہے اُس کی راہ تیار کرے۔اگرچہ خدا اِتنے برسوں تک خاموش رہا پھر بھی اس نے اپنے لوگوں کو ترک نہیں کیا۔وہ ان تمام واقعات کو اپنے بیٹے کو بھیجنے کے لئے استعمال کر رہا تھا تاکہ وہ آ کر اپنے لوگوں کو اُن کے گناہوں سے نجات دے۔

شخصی جائزہ: اپنے آپ سے سوال کریں کہ

١۔ آپ اس بات پر کیسے غور کرتے ہیں کہ خدا آپ کے ارد گرد یسوع کی دوسری آمد کی تیاری کے لئے اِس دنیا میں کام کر رہا ہے؟

٢۔ آپ مسیح یسوع کی دوسری آمد کی تیاری کے لیے کس طرح بلائے گئے ہیں؟ آپ اِس پہلو میں کیسے بہتری لا سکتے ہیں؟

اپنے آسمانی باپ سے دعا کرتے وقت

١۔ اپنے دِل کے روحانی بیابان میں خدا کے پرفضل کام کے لیے اُس کی تمجید کریں۔

٢۔ فضل کے لئے دعا کریں تاکہ آپ یسوع کی دوسری آمد کےلئے ہوشیاری کے ساتھ اپنی زندگی گذار سکیں۔

٣۔ شکر ادا کریں یسوع کے اُس کام کے لیے جو وہ مسلسل بطور نبی، کاہن اور بادشاہ آسمان میں ہمارے لیے کر رہا ہے۔

---